Azərbaycan Sosial İnnovasiya Müsabiqəsi 2016 - 5000 AZN mükafat

Əziz ekspertlər, gənclər, tələbələr.
Sizi Azərbaycan Sosial İnnovasiya Müsabiqəsində iştirak etməyə, Azərbaycanın inkişafı üçün ideyalarınızı təqdim etməyə dəvət edirik. Birinci yer tutan layihə/ideyaya 5000 AZN mükafat veriləcək, digər yerləri tutanlar, ideyası reallaşdırılanlara da müxtəlif məbləğlərdə mükafatlar veriləcək.

Müsabiqədə iştirak

“İnnovasiya Müsabiqəsi”-nə hər bir kəs, fərdi vəya komanda şəklində, qeyri-hökümət təşkilatı, özəl qurum qismində öz ideyalarını təqdim edə bilər. Azərbaycanda və Azərbaycandan kənarda müvafiq sahələrdə təhsil alan, məzun olmuş gənclərimizin aktiv iştirakı, xüsusilə arzuolunandır.



İdeyaların mövzusu

Müsabiqədə iştirak üçün innovativ ideyalar aşağıdakı istiqamətlərdən hərhansı biri vəya bir neçəsi üzrə inkişafa töfhə vermək üçün təqdim edilə bilər:

-Kənd təsərrüfatının inkişafı
-Turizm və Turizm xidmətləri
-Ətraf mühit və ekologiya
-Sosial Müdafiə Proqramları
-Sənaye və İstehsalın inkişafı
-Təhsil, elm və tədqiqat
-Səhiyyə xidmətləri
-Gənclər, işsizlik
-Qarabağ, qaçqın və məcburi köçkünlər
-Davamlı enerji inkişafı /Enerji
-Nəqliyyatın idarə edilməsi
-Başqa istiqamətlər üzrə

Müsabiqəyə təqdim edilən ideyalar, tamamilə yeni ideya və ya başqa ölkələrin təcrübələrindən təsirlənməklə hazırlana bilər. Hər ikisi üçün eyni qiymətləndirmə meyarları qüvvədədir.

İdeyaların təqdimi üçün son tarix: 22 yanvar, 2016-cı ildir.

Bu tarixdən sonra təqdim edilən ideyalar müsabiqədə iştirak üçün nəzərə alınmayacaq.

Ətraflı məluat üçün http://www.sosialinnovasiya.az/ daxil ola bilərsiniz.скачать dle 10.3фильмы бесплатно