AGAT Rio 2016 Yay Olimpiya Oyunlarına Dəstək Kampaniyası çərçivəsində könüllü yığımı elan edir

Azərbaycan Gənclərinin Avropaya İnteqrasiyası Təşkilatının Könüllülük Proqramı əlavə bilik və bacarıqlarını artırmaq, təcrübə qazanmaq, Etika Akademiyasının peşəkar təlimlərində iştirak etmək, məhşur və uğur qazanmış simalarla ünsiyyət qurmaq, ən əsası yay aylarını əyləncəli keçirmək istəyən gənc insanlar üçün möhtəşəm bir imkandır.

Ərizəçilər aşağıdakı tələblərə cavab verməlidir:
1.16-26 yaşlarında.
2. Ünsiyyət və təqdimat bacarıqları olan.
3. Gərgin qrafik və uzun iş saatları müddətində işləmə bacarığı olan
4. Verilmiş tapşırıqları vaxtında yerinə yetirə bilən

Azərbaycan Gənclərinin Avropaya İnteqrasiyası Təşkilatının (AGAT) "Rio 2016 Yay Olimpiya Oyunlarına Dəstək Kampaniyası" adlı layihəsi AR Prezidenti yanında Qeyri-Hökumət Təşkilatlarına Dövlət Dəstəyi Şurası 2016-cı ilin I maliyyə müsabiqəsində qalib gələn layihələr sırasındadır.
XXXI Yay Olimpiya Oyunları Braziliyanın Rio de Janeyro şəhərində keçiriləcəkdir. Azərbaycan 5 avqust-21 avqust tarixləri arasında Yay Olimpiya Oyunlarında 40 idmançı ilə 14 idman növündə təmsil olunacaq. Layihə Yay Olimpiya Oyunlarında idmançılarımıza azarkeş dəstəyi vermək məqsədilə gənclər arasında maarifləndirmə işinin aparılmasından ibarətdir. Könüllülər müxtəlif aksiyalar, idmançılarla silsilə görüşlər və digər mədəni-kütləvi tədbirlərin təşkilində yaxından iştirak edəcəklər.

Bütün könüllülər AGAT tərəfindən rəsmi sertifikat alacaq və AGAT tərəfindən təşkil edilmiş bütün tədbir, təlim və layihələrdə iştirak etmə imkanı əldə edəcəklər.

Proqrama qoşulmaq istəyənlərdən 20 İYUN 2016-cı il tarixinə kimi info@agat-ngo.az ünvanına CV-lərini göndərmələri və ya hazır CV olmadığı halda aşağıdakı linkə daxil olaraq ərizə formasını doldurmaları xahiş olunur.
https://docs.google.com/forms/d/1TFhfqDzdXFxrSC3PRvmAX6b3_a64rQn8CeLL-8CsTVQ/viewform?c=0&w=1&usp=mail_form_linkAbout AGATскачать dle 10.3фильмы бесплатно